072 270 3461   info@rchiledefrance.co.za  
Ile de France Siektetoestande

3 Belangrikste Siektetoestande by Skape


BLOUTONG

‘n Muggie-oorgedraagde siekte van die laatsomer en herfs waarvan die risiko deur inenting voorkom kan word.

Die virus oorwinter in beeste, wat simptoomlose draers is.  Daar is 24 stamme van die virus in SA – vandaar dat die lewende entstof in 3 fraksies verdeel nl. A, B en C, wat elk met ‘n 3 weke tussenpose gespuit word.  Inenting behoort in die vroeë lente gedoen te word.  Ramme en ooie moet nie korter as 8 weke (laaste fraksie – C) voor die teelseiesoen ingeënt word nie, en ooie NIE as hulle dragtig is nie. Indien daar ‘n noodtoestand is kan hulle die laaste helfte van dragtigheid (met risiko) geënt word.  Lammers jonger as 5 maande behoort nie geënt te word nie.

Al die bogenoemde reëls is maklik om na te kom indien entstof beskikbaar is, soos ons weet is dit die laaste tyd nogal ‘n groot probleem

Behandel bloutong so:

Tydens ‘n uitbraak moet diere na hoër liggende dele van die plaas verskuif word weg van staande water waar insekte volop is.

Diere wat Bloutong het, het seer spiere, is liggevoelig, koorsig en ontwater. Bloutong stem baie ooreen met griep in mense.  ‘n Koorsreaksie veroorsaak aborsies en ‘n breek in die wol.

Die skaap se bek en tong is gewoonlik te seer om te vreet en sy pote te seer om te loop, maar sere in die mond en ‘n “blou” tong is nie altyd teenwoordig nie. Siek diere kry dikwels sekondêre longontsteking wat dan die oorsaak van dood is. Goedversorgde bloutonggevalle oorleef gewoonlik.

Die behandeling van Bloutonginfeksie is soos volg (in volgorde van belangrikheid):

  • Stel ontwatering reg. Diere kan nie loop en drink nie en as dit baie warm is, is hulle gou ontwater.
  • Gee lammers 1 tot 2 liter glukose en soutoplossing wat by u koöperasie of veearts verkrygbaar is. Gee volwasse skape tot 5 liter.
  • As niks anders beskikbaar is nie, gee ‘n opgehoopte teelepel sout en ‘n opgehoopte eetlepel suiker in 2 liter water.
  • Spoel neus en mond met sterk soutoplossing uit, diere met seer monde en geblokte neuse sal nie eet nie. Sout is ‘n goeie ontsmettingsmiddel vir die mond. Meng ‘n eetlepel sout in ‘n koppie water en gebruik ‘n spuit om in die neus en mond op te spuit. Verwyder korste in neusopening met ‘n lap, watte of toiletpapier.
  • Sit diere in ‘n stal. Onder ‘n boom in ‘n kamp is nie goed genoeg nie. Siek skape gaan lê dikwels self in die son. Nagte mag koel wees en dae te warm. ‘n Stal of skeerskuur is baie beter vir siek diere. Gee strooi om op te slaap of op hortjiesvloer. Sorg vir kos en water en doseer water indien hulle nie self drink nie. Beheer lastige vlieë en muskiete.
  • Voer lusern na 24 uur.  Skape wat nie vreet nie, sal moeilik herstel as hulle nie energie kry nie. Neem vars lusern of gras en maak fyn in huishoudelike verpulper saam met water. Sif en doseer.
  • Behandel met antibiotika en anti-inflammatoriese middel. Siek skape se koors het nie verminder met Disprin deur die bek nie. Antibiotika of sulfapille deur die bek dra by tot die afsterwe van die mikro-organismes in die rumen. Langwerkende tetrasikliene maak spiere meer seer en verhoog liggevoeligheid. Antibiotika maak nie die Bloutongvirus dood nie, maar voorkom longontsteking. Gebruik ‘n middel wat doeltreffend is teen Pasteurella – gesels met jou veearts oor die keuse of gebruik ‘n inspuitbare sulfamiddel bv Disulfox LA (G3441)
  • Kry inspuitbare anti-inflammatoriese middel by jou veearts vir die pyn en koors.

Die inligting wat hier vervat is, word slegs bedoel as algemene riglyne en u moet altyd u veearts raadpleeg vir advies.

 

BLOEDNIER

Bloednier is een van die belangrike siektes waarvan die boer kennis moet dra.’n Bloednierskaap toon gewoonlik nie opvallende simptome nie. Skape vrek meestal akuut as gevolg van toksiene wat vrygestel word deur die oorgroei van Clostridium perfringens tipe D bakterieë wat normaal in die dermkanaal van skape voorkom.  Sulke oorgroei vind plaas wanneer skielike veranderinge in die dieet van die dier plaasvind en veral as die deurvloei van intenstinale inhoud versnel (verskuiwing na meer/goeie kos). Een van die Engelse name vir bloednier is “overeating disease”

Dit kan ook gebeur as diere met ‘n swaar intestinale parasietlading ontwurm word. Die beste voorkoming is inenting.  Ent diere TEN MINSTE 2 maal per jaar.

Die inligting wat hier vervat is, word slegs bedoel as algemene riglyne en u moet altyd u veearts raadpleeg vir advies.

 

HAARWURM

Haarwurm is ‘n rondewurm wat in die melkpens van die dier aangetref word.  Hier voed die volwasse wurm en veroorsaak bloedarmoede in die skaap.  ‘n Skaap met ‘n swaar haarwurm besmetting se slymvliesse is bleek (trek die ooglid oop, as bleek haarwurm) en kan ook ‘n kwakkeel hê.  So ‘n skaap sal ook in swak kondisie wees en sal onderpresteer.

Die FAMACHA© metode van selektiewe behandeling is ontwikkel deur drie Suid-Afrikaanse navorsers (Drs Francois Malan, Gareth Bath en Jan van Wyk) as moontlike oplossing vir die groot wurmmiddelweerstand probleem in Suid-Afrika. Sedertdien is die metode al wêreldwyd suksesvol geïmplementeer.

Die hoofdoel van die metode is om ‘n voldoende vatbare haarwurm bevolking (‘refugia’) op die weiding te handhaaf. Deur net daardie skape te doseer wat dit werklik nodig het, word seleksie vir weerstand teen wurmmiddels vertraag. Terselfdertyd kan die boer die diere monitor en prul wat ‘n swak natuurlike weerstand teen hierdie wurms het.

Bloedarmoede (soos waargeneem in die slymvlies van die oog) word met behulp van ‘n kleur begeleide kaart beoordeel: ‘n skaap met ‘n telling van 1 het ‘n pienk-rooi slymvlies kleur en het nie behandeling vir haarwurm nodig nie, terwyl ‘n skaap met ‘n telling van 5 wit slymvliese toon en onmiddellike dosering teen haarwurm en waarskynlik ook intensiewe mediese behandeling benodig.

Die inligting wat hier vervat is, word slegs bedoel as algemene riglyne en u moet altyd u veearts raadpleeg vir advies.

 

Die FAMACHA- kaart is verkrygbaar van u plaaslike veearts wat dit by me. Lana Botha by die Fakulteit Veeartsenykunde by die Universiteit van Pretoria kan bestel. (lana.botha@up.ac.za)

 -
© RCH Ile de France. All Rights Reserved.
No article or picture may be reproduced\published
without the written consent of RCH Ile de France.
The previous generation Rolex Submariner still used aluminum bezel inserts, and rolex replica in comparison to the more modern ceramic ones, they are almost barbaric. Flat and easy to rolex replica sale scratch aluminum bezel inserts should not be found in anything but inexpensive watches these days. Some people, of course, omega replica sale have a fondness for the older aluminum-style bezel (or even some of the plastic ones, from a really long time ago). Those people are clearly rolex replica sale turning a blind eye to the impressive design, precision cut markers, and scratch resistance properties of a ceramic bezel. Also, sorry folks, in 30 years the Cerachrom bezel isn't going to "patina." It will stay the same glossy rolex replica uk black color it is when you buy it. Inside the Rolex Submariner 114060 is the totally in-house made caliber 3130 hublot replica uk automatic. It is an utterly well-made, no nonsense workhorse of the highest caliber (no pun rolex replica sale intended) that just tells the time.